قصص حب .... عمــرك حبيت بالشكل ده ؟!!

02-19-2014, 10:40 AM

عبد الحفيظ

عضو فعال

تاريخ التسجيل: Nov 2013

المشاركات: 847

قصص حب .... عمــرك حبيت بالشكل ده ؟!!

أحد الصحابة كان خايف من حاجة

يا ترى كان خايف من ايه ؟!!

تعالوا نشـــوف

تقول عائشة رضى الله تعالى : جاء رجل إلى النبى صلى الله عليه وسلم فقال :

إنك لأحب إلىّ من نفسى

وإنك لأحب إلىّ من ولدى

وإنى لأكون فى البيت فأذكرك فما أصبر حتى آتى فأنظر إليك

وإذا ذكرتك موتى وموتك عرفت أنك إذا دخلت الجنة رفعت مع النبيين

وإنى إذا دخلت الجنة خشيت ألا أراك

فنزل جبريل عليه السلام بهذه الآية

" وَمَن يُطِعِ اللّهَ وَالرّسُولَ فَأُوْلَـَئِكَ مَعَ الّذِينَ أَنْعَمَ اللّهُ عَلَيْهِم مّنَ النّبِيّينَ وَالصّدّيقِينَ وَالشّهَدَآءِ وَالصّالِحِينَ وَحَسُنَ أُولَـَئِكَ رَفِيقاً "

عرفتوا يا جماعة الصحابى كان خايف من ايه ؟!

الصحابى ده واضح جدا من كلامه هوا قد ايه بيحب النبى صلى الله عليه وسلم

بيحبه أكتر من أولاده وأكتر من نفسه

بيحبه لدرجة إنه بيكون فى بيته مش قادر يستنى ومش قادر على فراق النبى صلى الله عليه وسلم فيقوم يجرى عليه علشان يشوفه

وحبه للنبى صلى الله عليه وسلم هو حياته وهو تفكيره بيفكر إزاى هيشوفه فى الآخرة

طب فى الدنيا النبى صلى الله عليه وسلم موجود معاهم فى المدينة وفى أى وقت يذكره ويغلبه الشوق يروح له ويشوفه أمال فى الجنة هيعمل ايه ؟!!

كان متصور إنه لو دخل الجنة مش هيشوف النبى صلى الله عليه وسلم لأنه هيكون فى منزلة والنبى صلى الله عليه وسلم هيكون فى منزلة تانية أعلى بكتير

فراح يشكى للنبى صلى الله عليه وسلم فنزل جبريل بالآية الكريمة

كان ده حالهم كلهم رضوان الله عليهم

فهذا ربيعة بن كعب الأسلمى

كان شاب صغير

ومن حبه للنبى صلى الله عليه وسلم كان بيقعد فى المسجد ( ومسجد النبى صلى الله عليه وسلم كان بجوار بيته ) علشان يشوف النبى صلى الله عليه وسلم وهو رايح وهو جاى وهو فى المسجد

بس برده مش كفاية

فقعد يفكر فى حيلة

قال دلوقت النبى صلى الله عليه وسلم بيدخل البيت بعد الصلوات ومش بعرف أشوفه طب أشوفه إزاى جوه البيت ؟!!

قعد يفكر

وتوصل إلى حل

ذهب إلى النبى صلى الله عليه وسلم عليه وسلم قال :

يا رسول الله ألا تتخذنى خادما ؟!!

( مش ممكن تشغلنى عندك خدام )

علشان يشوف النبى صلى الله عليه وسلم برده جوه بيته لما يخدمه

فقبله النبى صلى الله عليه وسلم خادما

فكان يحب النبى صلى الله عليه وسلم ويجرى يجيب له الوضوء ويجرى يجيب له الحذاء

بس كان بيزعل أوى ... امتى ؟!

لما تخلص صلاة العشاء وتنتهى مدة خدمته

فكان بيعمل ايه ؟!

كان بيقعد طول الليل أمام بيت النبى صلى الله عليه وسلم

علشان يمكن النبى صلى الله عليه وسلم يخرج من بيته بالليل فيشوفه

ايه الحب ده !!!

يقول رضى الله عنه : فكنت أجلس على باب رسول الله صلى الله عليه وسلم لعلى أراه , وكنت أسمعه يصلى فتعلمت منه صلاة الليل

فى يوم من الأيام النبى صلى الله عليه وسلم بيقوله : يا ربيعة ألا تتزوج ؟!

قال : لا يا رسول الله .

قال النبى صلى الله عليه وسلم : ولم ؟!

قال : حتى لا يشغلنى عنك مال ولا ولد يا رسول الله

ربيعة فى يوم من الأيام النبى صلى الله عليه وسلم حب يكافأه

فقال له : يا ربيعة سل ( اطلب )

حط نفسك مكانه
شاب فقير غير متزوج و ..... إلى آخر القائمة المعروفة

وشوف هتطلب ايه من النبى صلى الله عليه وسلم علما بأن كل طلباتك مجابة

عربية ولا شقة ولا زوجة ولا فلوووس ولا ..... إلخ

قال : أسألك مرافقتك فى الجنة يا رسول الله

فقال النبى صلى الله عليه وسلم : أوغير ذلك ؟!

( عايز حاجة تانية )

قال ربيعة : هو ذلك يا رسول الله

هوا ده اللى كان شاغلهم

مرافقة النبى صلى الله عليه وسلم فى الجنة

أنت بأه ايه اللى شاغلك ؟!

ياترى بتحبه فعلا زى حب ربيعة رضى الله عنه كده

طب عملت ايه علشان تبقى معاه فى الجنة؟!!

أسئلة لابد من وقفة مع نفسك للإجابة عليها

بس جاوبى بصراحة ومن غير أعذار كاذبة

فى انـــتظاركم

المصدر: منتدى عدلات النسائي

02-26-2014, 06:44 PM

zaki djeraba

زائر

المشاركات: n/a

رد: قصص حب .... عمــرك حبيت بالشكل ده ؟!!

موضوع جميل شكرااااا

02-11-2021, 10:03 AM

gestion

عضو جديد

تاريخ التسجيل: Apr 2019

المشاركات: 1,477

رد: قصص حب .... عمــرك حبيت بالشكل ده ؟!!

جزاكم الله خيرا

__________________
بسم الله
معهد تسيير التقنيات الحضرية
ملتقيات دولية
منشورات علمية
مشاريع البحث
محاضرات موجهة للطلبة

03-02-2021, 10:15 AM

gestion

عضو جديد

تاريخ التسجيل: Apr 2019

المشاركات: 1,477

رد: قصص حب .... عمــرك حبيت بالشكل ده ؟!!

جزاكم الله خيرا

		منتدى الدراسة نت > القسم العام > الشريعة الإسلامية > قصص الانبياء والرسل والصحابه
قصص حب .... عمــرك حبيت بالشكل ده ؟!!

اسم العضو		حفظ البيانات؟
كلمة المرور

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى